Туркиянинг жануби-шарқида кучли портлаш бўлди

Бугун, 4 ноябрь куни эрталаб, Туркиянинг Диёрбакир шаҳрининг Баглар туманидаги хавфсизлик хизмати биносининг яқинида кучли портлаш бўлди, деб хабар берди “Тjournal.ru” нашри. Тахминий маълумотларга кўра, мина қўйилган автомобиль портлатилган. ОАВларнинг хабар беришича, 1 киши ҳалок бўлган, 30 киши яраланган. Воқеа жойида тиббиёт ходимлари ишламоқда. Шаҳар маъмурияти вакиллари портлашни Туркияда тақиқланган Курдистон ишчи партияси амалга оширган, деб ҳисобламоқда.