Владимир Путин Шавкат Мирзиёевни ғалаба билан қутлади

Россия Федерацияси Президенти Владимир Путин Ўзбекистоннинг янги сайланган Президенти Шавкат Мирзиёевни ғалаба билан қутлади.

Владимир Путин Президентимизни ишончли ғалаба билан қутлаб, унга юксак давлат лавозимида омад тилади.

Россия раҳбари ҳар соҳадаги иккитомонлама иттифоқдошлик ҳамда стратегик ҳамкорлик муносабатларини келгусида янада ривожланиши ва мустаҳкамланишига ишонч билдирди.

Владимир Путин Ўзбекистон Республикаси Президентини Россияга расмий ташриф амалга оширишга таклиф қилди; таклиф минатдорлик билан қабул қилинди.

Россия президенти шунингдек Шавкат Мирзиёевга табрик телеграммасини юборди.