Владимир Путин Туркияда фожиали равишда ҳалок бўлган Россия элчиси Андрей Карлов билан видолашди

Россия раҳбари Анқарада фоижали равишда ҳалок бўлган Россиянинг Туркиядаги элчиси Андрей Карловнинг дафн маросимида қатнашди, деб хабар берди “Ntv.ru” нашри.

Россия президенти Владимир Путин тобут ёнига гул қўйиб, фожиали ҳалок бўлган Андрей Карлов хотираси учун бош эгди. Марҳум элчининг онаси Мария Александровна Карловага, рафиқаси Марина Карловага, ўғли Геннадий Карловга ва опаси Елена Ширанковаларга таъзия изҳор қилди.

Россия президенти Владимир Путин марҳум Андрей Карловнинг дафн маросимида иштирок этиш учун ҳар йили ўтказиладиган катта матбуот анжуманини бошқа кунга кўчирди.

Россия элчиси, марҳум Андрей Карловни сўнгги йўлга кузатишда Россия ҳукумати раиси Дмитрий Медведев, Кенгашлар Федерацияси спикери Валентина Матвиенко, Давлат думаси спикери Вячеслав Володин, Ташқи ишлар вазири Сергей Лавровлар ҳам иштирок этди. Россия президентининг матбуот котиби Дмитрий Песков тобутга гулчамбар қўйди.