WhatsApp’dan oyiga 600 million kishi foydalanmoqda

WhatsApp – lahzalik xabar almashish dasturining asoschisi va rahbari Yan Kumning so‘zlariga ko‘ra, dasturning oylik faol foydalanuvchilari soni 600 milliondan oshdi. Bu haqda Phonearena.com sayti ma’lumotiga asoslanib “Parol” nashri xabar berdi.

 Aprel oyida WhatsApp foydalanuvchilari soni oyiga 500 millionni tashkil etar edi. Taqqoslash uchun, o‘sha paytda Facebook “messenjer”idan foydalanuvchilar soni oyiga 200 million bo‘lgan, hozirda esa bu ko‘rsatkich 800 milliondan ortiq.

 Shuningdek, Instagram’ning oylik foydalanuvchilari soni 200 million bo‘lsa, yana bir xabar almashish dasturi – WeChat Xitoyda mashhurroq va uning oylik foydalanuvchilari soni 438 millionni tashkil etadi.