Yangi Samsung Galaxy Note smartfoni 3-sentabr kuni taqdim etiladi

Samsung kompaniyasi 3-sentabr kuni yangi Galaxy Note smartfonining taqdimoti bo‘lishini tasdiqladi. Bu haqda Phonearena.com sayti ma’lumotiga asoslanib “Parol” nashri xabar berdi.

Yangi Galaxy Note smartfonining qanday nomlanishi haqida ma’lumot berilmagan. Balki u kutilayotgan Galaxy Note 4 deb nomlanishi mumkin.

Eslatib o‘tamiz, Samsung Galaxy Note 4 planshetofoni 5,7 dyuym 2560×1440 pikselli displey, 3 Gb tezkor xotira va 16 megapikselli kameraga ega bo‘lishi mumkin. U botiq displey va metal korpusga ega bo‘lishi haqida ham taxminlar mavjud.