Yashnobod tumanida o‘zini prokuratura xodimlari deb tanishtirgan qalloblar ushlandi

Toshkentning Yashnobod tumanida o‘zini prokuratura xodimlari deb tanishtirib, bir fuqaroning 9,6 million so‘m pulini o‘zlashtirgan ikki firibgar qo‘lga olindi. Bu haqda UzNews xabar bermoqda.

29-may kuni soat 13:00 da ikki noma’lum shaxs Osipov Konstantin Stanislavovichga tegishli Spark avtomobiliga o‘tirgan. Jinoyatchilar o‘zlarini prokuratura organlari ishchilari deb tanishtirib, uni jinoiy javobgarlikka tortish bilan qo‘rqitgan holda 10 million so‘mga yaqin pulini olgan.

Voqea yuzasidan Yashnobod tuman IIB tomonidan JKning 165-moddasi 2-bandi bo‘yicha jinoiy ish qo‘zg‘atildi.
Manba: Daryo.uz