Главная » Yangiliklar » Yosh bolali kelinlar ishdan erta ketsa bo`ladimi?

Yosh bolali kelinlar ishdan erta ketsa bo`ladimi?

— Yosh bolasi bor ayollarning ishdan erta ketishiga ruxsat beriladimi? Agar erta ketsa, ushbu soatlar oylik maoshida chegirib qolinmaydimi?

Mahfuza Botirova, Sirdaryo viloyati

E.MUHITDINOV, O`zbekiston Respublikasi Bandlik va mehnat munosabatlari vazirining birinchi o`rinbosari:

— O`zbekiston Respublikasi Mehnat kodeksining116-moddasida ayrim toifadagi xodimlar uchun ularning yoshi, sog`lig`ining holati, mehnatning shartlari, mehnat vazifalarining o`ziga xos xususiyatlari va o`zga holatlarni inobatga olib, mehnat to`g`risidagi qonunlar va boshqa normativ hujjatlar, shuningdek mehnat shartnomasi shartlariga binoan mehnatga to`lanadigan haqni kamaytirmasdan, ish vaqtining qisqartirilgan muddati belgilanadi.

Mehnat kodeksining 228-1-moddasi talablariga ko`ra, ish vaqtining qisqartirilgan muddati quyidagilar uchun belgilanadi:

uch yoshga to`lmagan bolalari bor, byudjet hisobidan moliyaviy jihatdan ta`minlanadigan muassasalar va tashkilotlarda ishlayotgan ayollar.

Uch yoshga to`lmagan bolalari bor, byudjet hisobidan moliyaviy jihatdan ta`minlanadigan tashkilotlar va muassasalarda ishlayotgan ayollarning ish vaqtining qisqartirilgan muddatiga bo`lgan huquqi uch yoshga to`lmagan bolalari bor, byudjet hisobidan moliyaviy jihatdan ta`minlanadigan muassasalar va tashkilotlarda ishlayotgan ayollarga ish vaqtining haftasiga o`ttiz besh soatdan oshmaydigan qisqartirilgan muddati ham ayni shu moddada belgilab qo`yilgan.

Ish vaqtining qisqartirilgan muddati chog`ida ushbu moddaning birinchi qismida ko`rsatilgan ayollar mehnatiga haq har kungi to`liq ish muddati chog`ida tegishli toifadagi xodimlar uchun belgilangan miqdorda to`lanishi ko`rsatib o`tilgan.

Yuqoridagilarni inobatga olib, fuqarolar qonuniy manfaatlarini tiklash yuzasidan yashash joyi bo`yicha shahar yoki tuman Bandlikka ko`maklashish markaziga yoki sudga murojaat etishlar mumkin.
Manba: Darakchi.uz



Новости «Yosh bolali kelinlar ishdan erta ketsa bo`ladimi?»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]